ШҚО-да өткен жылдың үздік спортшыларын марапаттады.

Спортшыларды марапаттау салтанаты Өскемен қаласында өтті, деп хабарлайды Altaynews тілшісі.

Марапат алғандардың арасында жеңіл атлетика, гимнастика, фристайл-могул және басқа да спорт түрлерінен лайықты нәтиже көрсеткен әр түрлі жастағы спортшылар бар.

Аймақ басшысы Даниал Ахметов жақында өткен жеңіл атлетикадан Азия чемпионатында ШҚО спортшыларының жетістіктерін ерекше атап өтті. Айта кетсек, онда шығысқазақстандықтар 5 алтын және 2 қола медаль жеңіп алды.

Салтанатты шара барысында түрлі жарыстардың жеңімпаздары мен жүлдегерлеріне пәтер кілттері, ақшалай сертификаттар, құрмет грамоталары мен гүлдер табыс етілді.