ШҚО әкімі Зайсан ауданының тұрғындарымен кездесті
Зайсан ауданына жұмыс сапарымен барған облыс әкімі тұрғындармен кездесті.
Өңір басшысымен жүздескен зайсандықтар бірқатар мәселе көтерді, деп хабарлайды Altaynews тілшісі.
Біріншіден, Зайсан ауданының емханасы тозып тұр. Ғимарат осыдан 25 жыл бұрын балабақша нысаны ретінде салынған.
Екіншіден, аудан орталығында халық саны жыл санап артып келеді. Содан барып балабақша салу мәселесі туындап отыр.
– Аурухананың жағдайын көріп, танысып шықтым. Әрине, біраз қиындықтар бар. Дегенмен өзге аймақтарға қарағанда жағдайы жақсырақ. Ал балабақша мәселесін, ең бірінші, ауылдан бастаймыз. Аудан әкімі жоспарларын ұсынса, жобаға енгізетін боламыз, – деді облыс әкімі Ермек Көшербаев.
Аймақ басшысының айтуынша, аудандық емхана мәселесінің күрмеуі шешіледі. Емхана жобасы әзірленіп жатыр, жыл соңына дейін дайын болады.
Оқи отырыңыз
