Ертең, 21 желтоқсанда сағат 10:00-де Алтай стадионының мұз айдыны ашылады.

Ашылу салтанатында Өскеменнің үздік мәнерлеп сырғанаушылары арнайы қойылым ұсынады. Сондай-ақ «Көңілді старт» жарысы болады. Жарысқа қатысуға ниетті кез келген тұрғын ШҚО туризм және ішкі байланыстар басқармасының инстаграм аккаунты (@tourism_eastkz) арқылы алдын ала тіркеуден өтуге тиіс.

– Жеңімпаздарға бағалы сыйлықтар (ноутбук, теледидар, кір жуатын мәшине) беріледі, – дейді ұйымдастырушылар.

Бұдан өзге де түрлі ойындар және би ұйымдастырылады.