Үржар, Алтай, Аягөз, Жарма, Бородулиха аудандарында бірнеше ауыл таратылды. Бұл туралы облыстық мәслихаттың кезекті отыз бесінші сессиясында мәслихат хатшысы Владимир Головатюк айтты.

Аягөз ауданы бойынша, Қалғытты ауылы – Дөненбай ауылының (Ақшатау ауылдық округі), ал Жорға ауылы Қорық ауылының құрамына (Малкелді ауылдық округі) енеді;

Жарма ауданы бойынша, Жаңаауыл ауылы – Шалабай ауылдық округінің құрамына еннеді;

Үржар ауданы бойынша, Сарытерек және «Ферма 3» ауылдары таратылып, есепті деректерден шығарылып, шекарасы өзгертіліп, Қарақол ауылдық округінің құрамына енгізіледі;

Бородулиха ауданы бойынша, Тараск қонысы – Коростели ауылының (Бақы ауылдық округі), Мещанка ауылы Изатулла ауылының (Петропавловка ауылдық округі), Қызылтай ауылы – Орловка ауылының (Степной ауылдық округі), Жақсылық ауылы – Михайловка аулының (Подборный ауылдық округі), Бек-Карьер ауылы Бековка ауылының құрамына (Белағаш ауылдық округі) енеді;

Алтай ауданы бойынша, Бедаревка қонысы – Ленинск ауылының, «Көгілдір бұғаз» демалыс үйі Жаңа Бұқтырма кентінің құрамына енгізіледі.