ШҚО-да көпбалалы отбасынан шыққан мыңнан астам бала оқу грантына ие болды, деп хабарлайды Алтайньюс тілшісі.

Облыста көпбалалы отбасынан шыққан 1209 бала кәсіптік білім беретін колледждерге, 538 бала жоғарғы оқу орындарында білім алуға ниет білдірген.

– Колледжге тапсырған балалар толық оқуға түсті. Ал университетте оқығысы келгендердің 142-сі түсіп, қалған 396-сы колледждерге қабылданды, – деді облыстық білім басқармасының басшысы Сайрангүл Жұмаділова. Айтуынша, барлығы білім грантына ие болды.

Бұл туралы облыс әкімі Даниал Ахметовтің төрағалығымен өткен көпбалалы отбасыларды баспанамен қамтамасыз ету мәселелерін шешу жөніндегі қоғамдық комиссия отырысында айтылды.