Семей қаласында жуық арада арнайы теплоходпен серуендеуге болады, деп хабарлайды Алтайньюс тілшісі “Объектив Восток” басылымына сілтеме жасап.

“Шоқан Уәлиханов” деп аталатын кеме шамамен 20 шілдеде іске қосылмақ екен.

Шағын кеме Ертіс өзені арқылы алдын ала белгіленген бағыт бойынша жүреді. Алайда шектеулер де бар екен. Бір рейсте 20 адамнан кем болмау керек.

Серуендеудің бағдарлы бағасы: ересектерге - 2 мың теңге, 5 жасқа дейінгі балаларға - тегін. Алдағы уақытта баға өзгеруі мүмкін.

Бір күнде теплоход 2-3 рейс жасайды. Маршруттың жалпы ұзақтығы шамамен 2 сағатқа созылмақ. Сондай-ақ, бұл кемеде мерекелік іс-шаралар, той-томалақтар өткізуге де болады. Ол үшін арнайыжеке баға белгіленеді.

Қосымша ақпаратты жауапты компанияның Instagram желісіндегі ресми парақшасынан аласыздар.