ШҚО әкімі Тарбағатай ауданына жұмыс сапарымен барды.

Аймақ басшысы Ермек Көшербаев аудандық ауруханаға барып, науқастармен жолықты, деп хабарлайды Altaynews тілшісі.

Аудан тұрғындарының айтуынша, медициналық мекеме барлық қажетті жабдықтармен жабдықталған. Сондықтан облыс орталығына немесе Семей қаласына емделуге барудың қажеті шамалы. Алайда контрастты сұйықтығы бар тамырларды рентгенологиялық зерттеу процедурасын жүргізуге арналған коронография аппараты жетіспейді екен. Бұл жүрек ауруларын бастапқы сатысында анықтауға мүмкіндік береді.

Өңір басшысы көршілес жатқан Зайсан ауданының ауруханасына коронографиялық жабдықты орнату мәселесі қаралатынын айтты. Жабдық орнатылған жағдайда шекара маңындағы қос ауданның да тұрғындары тиісті емді алысқа бармай-ақ ала алады.