ШҚО-дағы қала және аудан әкімдерінің қазан айындағы ақпараттық белсенділігі (рейтинг)
Аltaynews.kz сайты 2018 жылдың қазан айында жарияланған материалдарға сүйене отырып, ШҚО бойынша аудан және қала әкімдерінің кезекті ақпараттық белсенділік рейтингін жасап шығарды.
Қалалар бойынша ақпараттық бәйгеде облыс орталығы Өскемен тағы да бірінші орынға шықты. Одан айтарлықтай төмен көрсеткішпен екінші орында үйреншікті ретте Семей тұр. Риддер қаласы өткен айдағы көрсеткішін сақтап қалды. Ал Курчатов сол қалпы үш қаланың соңында жүр. Көрсеткіші, тіпті, төмедеген. Рейтингтен аутсайдерлерге арналған тұрақты орын белгілеп қоятын кез келген секілді.
Аудандар бойынша үш ай қатарынан рейтингтің алдын бермеген Аягөздің ақпараттық қарқыны осы жолы бәсеңдепті. Алға Зырян озып шығып, Аягөзді екінші орынға ығыстырды. Жарма үшінші орнын ұстап келеді.
Қазандағы ақпараттық белсенділігі ең төмен аудандар: Шемонайха, Тарбағатай, Абай, Глубокое. Абай ауданы жиі рейтингтің соңында жүретін, осы айда да «баяғы жартас – сол жартас» күйінде қалып отыр. Тарбағатай мен Шемонайха қыркүйекте де аутсайдерлердің қатарында аталған.
Қыркүйек айындағы рейтингті келесі сілтемеге өту арқылы көре аласыздар https://altaynews.kz/archives/42163.