ШҚО-дағы қала және аудан әкімдерінің шілде айындағы ақпараттық белсенділігі (рейтинг)
Аltaynews.kz сайты 2018 жылдың шілде айында жарияланған материалдарға сүйене отырып, ШҚО бойынша аудан және қала әкімдерінің ақпараттық белсенділік рейтингісін жасап шығарды.
Қалалар бойынша осы айда Семей алдыңғы орынға шықты. Өткен аймен салыстырғанда ақпарат саны аз болса да, облыс орталығынан озып кетті. Одан кейінгі сатыларға Өскемен, Курчатов қалалары жайғасқан.
Аудандар бойынша Аягөз ауданы рейтингте көш бастап тұр. Өткен айда Аягөз рейтингте ең соңғы орынға жайғасқан еді. Бір ай ішінде бірінші орынға көтерілді. Зырян ауданы осы жолы екінші орынға түсіп қалды. Ал Жарма ауданы, керісінше, өткен айдағы көрсеткішін әлдеқайда жақсартып, үшінші орынға жоғарылады.
Шілде айында ақпараттық белсенділігі ең төмен аудан Абай ауданы болып шықты. Маусым айында да Абай ауданы аса жақсы нәтиже көрсетпеген болатын. Осы жолы рейтингтің соңғы орнына құлдырап кетіпті.
Қалалар арасында соңғы орында Риддер тұр. Маусым айындағы көрсеткіштермен салыстырып қарағанда, бұл қала шілдеде өте төмен деңгейге түсіп кетті деп айтуға болады.
Маусым айындағы рейтингті келесі сілтеме арқылы көре аласыздар https://altaynews.kz/archives/35859
