Семейде  бала ұрламақ болғандардың әрекеті туралы хабарлама тұрғындар  арасында алаңдаушылық тудырды.  «Қаладағы мектеп қасынан ұлымды ұрлап әкете жаздады»- деген әйелдің дыбыстық жазбасы желі арқылы желдей есіп, ата-аналардың зәресін алды. Әйелдің айтуынша, оның ұлын бәзбіреулер мемлекеттік тіркеу нөмірі көрсетілмеген көлікке күштеп отырғызып әкетпек болыпты.  Алайда ШҚО ІІБ аталған деректі толықтай жоққа шығарды.

– ШҚО аумағында бұндай дерек мүлдем тіркелген жоқ,-деді облыстық ІІД баспасөз қызметі.

Айта кету керек, дәл осындай «жалған ескертулер» Алматы облысына да таратылған екен.  ҚР ІІМ баспасөз қызметі осыған орай арнайы түсінік берді.

- Ғаламтор арқылы тарап жатқан, балаларды ұрлау туралы ақпараттар жалған.  Ел аумағында ондай дерек тіркелген жоқ.  Сонымен қатар хабарламада айтылған Яникой ауылы Кабардино- Балғар (РФ) аумағында орналасқан,-деді  ҚР ІІМ ресми өкілі Алмас Садубаев.

Полиция қызметкерлері  бұндай жалған ақпараттарды таратушылар заң алдында жауапқа тартылатынын ескертеді.