Қазақстан Журналистер одағының төрағасы Сейітқазы Матаев Семей, Өскемен және Павлодар қалаларының атауларын өзгерту керек деп санайды, деп хабарлайды Altaynews.kz тілшісі.

«31 каналға» берген сұхбатында Матаев мырза қазақ тілінде «Семей» және "Өскемен" сияқты тарихи атаулар болмаған деді.

Сонымен қатар ол бұған дейін көпшілік Павлодар қаласына беру керек деген «Кереку» атауына да қарсы.

Матаев қазақта мұндай сөз жоқ екенін, бұл атау орыстың Коряков деген көпесінің атынан шыққанын түсіндірді.

Өз кезегінде журналист Семейге Абай, Өскеменге Қонаев және Павлодарға Сәтпаев есімдерін беру керек деген ұсынысын да жасырмады.