ШҚО Ұлан ауданындағы барлық елді мекендерде қарғын суға қарсы кешенді жұмыстар қолға алынған. Саратовка – Отрадное жолының бойындағы 11 су каналы мен құбырлар қар мен қоқыстан тазартылды, деп хабарлайды Аltaynews.kz тілшісі.

Ауыл жұртшылығы төтенше жағдай туындай қалса, не істеу керектігінен құлағдар. Құтқару қызметінің мамандары тұрғындармен кездесу өткізіп, ескертулер мен жадынамалар таратқан.

Сонымен қатар, шаруа қожалықтарының басшылары қажет уақытта техникасын пайдалануға беруге де келісімін беріпті. Округте тасқынға тосқын боларлық құм салынған қаптар да дайын тұр.