Шығыс Қазақстан су тасқындарына дайындалып жатыр.

Шығыс Қазақстанның қалалары мен аудандарында материалдық-техникалық қор (жанар-жағармай, ыдыс-қаптар) құру, өзен арналарын Қызылсу мұздарынан тазалау және олардың түбін тереңдету жұмыстары жүргізіліп, облыстың көлік жолдарындағы су жіберу арналарын мұздардан тазалау жұмыстары басталды, гидротехникалық нысандарда су деңгейлері төмендетілді.

Жалпы алғанда бүгінде облыстағы жағдай, жекелеген су басу оқиғаларын есептемегенде, тұрақты болып тұр. Мысалы, өткен демалыс күндері таудан аққан су салдарынан Өскемендегі Новоявленка кентінің екі көшесін су басты. Су жіберу жұмыстарынан соң оның деңгейі минимумға дейін төмендетілді.

ШҚО бойынша ТЖ департаменті болуы мүмкін су тасқыны жағдайында апаттық-құтқару және басқа да шұғыл жұмыстарды өткізу үшін Қатон-Қарағай ауданындағы Барлық, Сенное ауылдарындағы екі мобильдік топты жинақтау шешімін қабылдады. Топтар су басқан жерлерге барлау жасап, тасқындық жағдайдың мониторингін жүргізетін болатды.

Аймақта мобилизациялық даярлау, табиғи ресурстар және табиғатты пайдалануды реттеу басқармасының, Ертіс бассейндік инспекциясының, ШҚО бойынша ТЖ департаментінің, «Қазводподхоз» АМК бөлімшесінің мамандарынан құрылған жұмыс топтары тасқын болу қаупі бар учаскелердің тексерісін өткізіп, аймақ әкімдіктерінің ТЖ ескертуі бойынша тасқынға қарсы жұмыстардың жоспарларын орындауды қадағалап отырғанын айта кету керек.

ШҚО бойынша ТЖД-ның тасқындарға қарсы бұл шараларды өткізу күші мен құралдары жеке құрамның 27 адамынан, 5 техника бірлігінен, жүзу құралдарының 5 бірлігінен, 1 мотокомптан құралады.