Алматының экономика және статистика академиясын тәмамдаған Шынар Серкенованың Қабанбай батыр атындағы ауылдық пошта бөлімшесінің меңгерушісі қызметіне кіріскелі де біраз уақыт болды.
Ол алғаш осы қызметке кіріскен кезде бөлімшеде қызмет етуге ешқандай жағдай болмаған. Пошта үйі ескі әрі қолайсыз болғандықтан, оның ішін қыс мезгілінде аяз кернеп кететін.
Тығырықтан шығудың жолын іздеп, ауыл кәсіпкерлері Н.Әбілқасымов, Е.Түсіпов, Г.Қанағатова-мен ортақ тіл табыса білген Шынар пошта үйіне жөндеу жұмыстарын жүргізіп, бөлмелерін жаңа жиһаздармен де жабдықтады. Қызмет орнының жаңарып, жақсаруы бөлімше жұмысының жандануына да игі ықпалын тигізуде.