Құтқарушылар күні қарсаңында журналистер құтқарушылармен кәсіп алмасты.

Ақпарат саласының қызметкерлері өрт сөндіріп, жануарларды құтқарса, құтқарушылар сұхбат құрып, видеоматериал түсірді, деп хабарлайды Altaynews тілшісі.  

Облыстық төтенше жағдай департаменті ұйымдастырып отырған шарада БАҚ өкілдері екі шетін жалын шарпыған кедергі жолағынан өтіп, биік ғимаратқа өрмеледі, түтін камерасынан шығар жол іздеп, өрт сөндіріп үйренді. Ал екінші кезеңінде суға батқан адамға жасанды тыныс алдырып, жарақат алған адамға медициналық көмек көрсетті. Арқан жолмен жүріп өтіп, ағашқа да өрмеледі.