«Казцинк» компаниясы өңірде үздік әлеуметтік жобаларды іске асыру үшін 1,5 млрд теңгеден астам қаржы бөледі.

Шығыс Қазақстан облысының әкімдігі мен еліміздің тау-кен металлургия саласындағы үздік кәсіпорындардың бірі «Казцинк» компаниясы меморандумға қол қойды, деп хабарлайды Altainews.kz тілшісі.

Қаражат ауруханаларды, мектептер мен мәдени мекемелерді жарақтандыруға, балалар мен спорт алаңдарын абаттандыруға және салуға бөлінеді.

Сондай-ақ аймақ басшысы меморандум аясында өзге де бірқатар жобалар жоспарланып отырғанын мәлім етті. Атап айтсақ, Риддерде екі ойын алаңы мен спорт алаңын салу, шағын сәулет мүсіндерін орнату, Серебрянка қаласында орталық су құбырларын ауыстыру, Шоссейная көшесі бойындағы орталық су құбырын жөндеу жұмыстарын жүргізу көзделген.

Естеріңізге сала кетейік, былтыр жыл соңында «Казцинк» ЖШС Шығыста «Арман қала» атты акция өткізген болатын.

Облыс әкімдігі іргелі кәсіпорынның бастамасын қолдай отырып, меморандумға сәйкес бюджеттен Өскемен, Риддер, Алтай және Серебрянка қалаларында жолдарды және аулаларды, әлеуметтік нысандарын жөндеуге, абаттандыруға қаражат бөлетін болады.