Қазақстан қысқа мерзімде 400 млн долларлық тауарды экспорттауға дайын
Фото: egemen.kz
«Орталық Азия + Шығанақтағы араб мемлекеттерінің ынтымақтастық кеңесінің» бірінші саммитінде Президент Қасым-Жомарт Тоқаев сауда-экономикалық байланыстарды кеңейтуге қатысты ұсыныс айтты.
Президент Қазақстан қысқа мерзімде құны шамамен 400 миллион доллар болатын 100 түрлі тауар экспорттауға дайын екенін жеткізді, деп хабарлайды Altaynews Қазақпарат агенттігіне сілтеме жасап.
– Ынтымақтастықты одан әрі нығайту үшін бірнеше басым бағыт бойынша өз пікірімді ортаға салғым келеді. Ең алдымен, бұл – сауда-экономикалық байланыстарды кеңейту. Соңғы жылдары біздің аймақтың ынтымақтастық кеңесі елдерімен сауда-саттығы қарқынды дами бастады. Мұны ерекше атап өткен жөн. Бірақ көрсеткіштер біздің әлеуетіміздің толық пайдаланылмай отырғанын көрсетеді, – деді Қасым-Жомарт Тоқаев.
Бұл тұрғыда Президент тауар айналымын айтарлықтай арттыру үшін аталған елдерде барлық мүмкіндік бар екенін айтты.
– Ол үшін өзара сауда номенклатурасын ұлғайту қажет. Мысалы, Қазақстан қысқа мерзімде құны шамамен 400 миллион доллар болатын 100 түрлі тауар экспорттауға дайын, – деді Мемлекет басшысы.
Оқи отырыңыз
Мемлекет басшысы Қырғызстанның Жогорку Кенеш төрағасын қабылдадыҚасым-Жомарт Тоқаев пен Майкл Помпео телефон арқылы сөйлестіОрталық Азия халықаралық аренада ықпалды аймаққа айналып келеді – ТоқаевҚазақстан Орталық Азияда экономикалық локомотив қызметін атқарып отыр – ПрезидентПрезидент «Орталық Азия – Қытай» саммитіне қатысты
