Астанада қыркүйекте өтетін V Дүниежүзілік көшпенділер ойындарында садақ атудан ұлттық құрамамыз да өнер көрсетеді. Дүбірлі додаға дайындық ретінде Алматыда дәстүрлі садақ атудан ұлттық құраманың көшпелі оқу-жаттығу жиыны өтіп жатыр. Олардың арасында Алтайдың намысын қорғауға аттанған жерлесіміз Ажар Төлеуханова да бар.

Оқу-жаттығу жиынында 12 спортшы жаттығып жатыр, олардың оны іріктеуден өткен садақшы және тағы екі спортшы резервте болады. Команданың құрамындағы алты ер адам мен төрт қыз көшпенділер ойындарының ережелеріне сәйкес жарыстарға қатыспақ.

Дүбірлі додаға дайындығы туралы жерлесіміз Ажар Тілеуханова  былай деді:

Дәстүрлі садақ атудан ұлттық құраманың тағы бір мүшесі Ербол Тапеновтың спорттың бұл түрімен айналысқанына бес жылдан асыпты.

Естеріңізге сала кетейік, республикалық садақ ату федерациясы Ұлттық спорт түрлері қауымдастығының құрамына кіреді. Сонымен қатар қауымдастық құрамына бәйге, көкпар, аударыспақ, асық ату, жамбы ату, теңге ілу, құсбегілік, JORYQ федерациялары да кіреді. Ал қауымдастықты белгілі кәсіпкер, меценат, Altyn Qyran Foundation қоғамдық қоры қамқоршылық кеңесінің төрағасы Исламбек Салжанов басқарады.

Дүниежүзілік Көшпенділер ойындары – этникалық, дәстүрлі спорт түрлері бойынша халықаралық жарыс. 2014, 2016 және 2018 жылдары алғашқы ойындар Қырғызстанның Шолпан Ата қаласында өткен еді.    

Астанада өтетін V Дүниежүзілік көшпенділер ойындары Мемлекет басшысы Қасым-Жомарт Тоқаевтың бастамасымен қолға алынды. Бұл ойындар Қазақстандағы ұлттық спорт түрлерін және этникалық туризмді дамытуға серпін береді. Сондай-ақ Дүниежүзілік көшпенділер ойындарына дайындық барысында шағын және орта бизнестің, оның ішінде туризм, халықтық қолөнер, қызмет көрсету салаларындағы мүмкіндіктерін іске асыруына жағдай жасалады.