«Нұрлы жол» бағдарламасы аясында Боран ауылы кіреберісінің 3,8 шақырымына асфальт жол төселінуі жоспарланған.

Бұл туралы Күршім ауданының әкімі Дулат Қажанов өзінің әлеуметтік желідегі парақшасына жазған болатын.

"Шілде айында басталынған жұмыстың бүгінде 1 шақырымына асфальт жол төселініп біткен. Тамыз айының соңына дейін жұмыс толықтай аяқталады деп жоспарланған", дейді аудан әкімі.

Ал Марқакөл ауылында «Жұмыспен қамту жол картасы — 2020» бағдарламасы бойынша Дәуленов көшесінің 1,3 шақырымына асфальт төселініп аяқталды. Сондай-ақ, Марқакөл ауылында шекаралық аудандарын дамытудың кешенді жоспары бойынша абаттандыру жұмыстары жалғасуда.