Өскеменде «Жұмыспен қамтудың жол картасы 2020» аясында жөнделген нысандардағы құрылыс жұмыстары аяқталуға шақ қалды, деп хабарлайды Altaynews тілшісі.

Бүгін қала әкімі Жақсылық Омар сөйлеу қабілеті нашар балаларға арналған №62 балабақшада болды. Мұнда ғимараттың шатыры күрделі жөндеуден өтіп, барлық терезелері ауыстырылды.

Сонымен қатар, Михаэлис 13, 15 және Виноградов 16/1, 18 мекен-жайларындағы екі ауланы абаттандыру бойынша жұмыстар да соңына таяды. Аула арасындағы көлік жолдары кеңейтіліп, балаларға арналған алаңдар орнатылды. Қазір жарықтандыру тіректерін орнату және қосу жұмыстары жүргізілуде.