ШҚО-да 14 жастағы бала қар астында қалып, көз жұмды

Бір топ бала Шемонаиха қаласындағы Шемонаиха өзенінің жағалауында ойнап жүрген. Балалардың сөзінше, кенет қар көшіп, екі баланы басып қалған. 2004 жылғы бала өз күшімен шыққан. Ал 2006 жылғы баланы құтқаруға олар мамандарды шақырған.

Құтқару операциясына төтенше жағдай қызметкерлері, полицейлер мен жергілікті тұрғындар жұмылған. Баланың қай маңда жатқанын иісшіл ит анықтаған. Алайда үш метр тереңдікте қалған бала өлі күйінде табылды.

Мамандардың сөзінше, жағалаудағы қалың қар әлі де көшуі мүмкін.