Шығыс Қазақстанда құтқарушылар мұздың астына екі күн бұрын түсіп кеткен 5 жастағы баланы іздестіруде, деп хабарлайды Аltaynews.kz тілшісі.
Облыстық ТЖД-нің баспасөз қызметінде хабарлағандай, Глубокое ауданындағы Березовка ауылында 2008 жылы туған ұл бала 2-сәуір күні кешке Ертіс өзенінде мұздың астына түсіп кеткен. Кеше күні бойы іздеу жұмыстары жүргізілгенімен бала табылған жоқ.
4-сәуірде таңғы сағат 4-тен бастап балғынды іздеу жұмыстары қайта жалғасты. Іздеу шараларына орталық құтқару стансасының 4 құтқарушысы , УАЗ автокөлігі жұмылдырылған.