Ағайынды Абдуллиндер атындағы Шығыс Қазақстан өнер училищесінде «Саналы ұрпақ» атты облыстық слет-форум өтті. Облыстағы техникалық және кәсіптік білім беру мекемелерінің студенттері арасында өткен форумды білім басқармасы мен аталған училище ұйымдастырған.

Шара барысында сыбайлас жемқорлыққа қарсы күрес тақырыбындағы плакат, эссе, бейнероликтер сайысының жеңімпаздары анықталып, жылдың қорытындысы айтылды, деп хабарлайды Altaynews.kz тілшісі.

Шара студенттердің бойында парасаттылық, сбайлас жемқорлыққа қарсы сана мен мәдениет қалыптастыруға бағытталған. Осы арқылы сыбайлас жемқорлық туралы еркін айта алатын студенттер тәрбиелеп, қоғам өкілдерінің осы мәселе турасындағы көзқарасын қалыптастырып, оқу үдерісін ашық әрі айқын ету қарастырылған. Сонымен қатар, жастарға Сыбайлас жемқорлыққа қарсы заңнаманы түсіндіріп, олардың саяси-құқықтық білімін кеңіту көзделген.

Оқу орындарындағы «Саналы ұрпақ»  клубының жетекшілері мен белсенділері, облыстағы колледждердің директорларының орынбасарлары, ШҚО Сыбайлас жемқорлыққа қарсы күрес қызметінің өкілдері мен жастар ісі бойынша мамандар қатысты.

Форумның ашылу салтанатында «Саналы ұрпақ» клубының қатарына жаңа студенттер қабылданып, еріктілердің қатары жаңа толықты. Сонымен қатар, тәрби ісі жөніндегі орынбасарлар мен оқу орындарындағы «Саналы ұрпақ» клубының жетекшілері өз ұйымдарында сыбайлас жемқорлыққа қарсы жүргізіліп жатқан жұмыс пен клуб қызметінің тәжірибесін, ерекшелігін айтып, ой алмасты. Сонымен қатар, осы бағыттағы жұмыстарға белсене араласып, студенттерді сыбайлас жемқорлықпен күреске баулып жүрген ұстаздар марапатталып, еңбегі аталды. Одан өзге, студенттер арасында «Жемқорлық — ғасыр дерті» атты интеллектуалдық ойын өтті. Студенттер нақты мысалға құрылған жағдайларды талдап, заң тұрғысындағы сауатын танытты. Студенттер сыбайлас жемқорлық туралы пікірлерін қойылым арқылы да жеткізді.

Келіп түскен жұмыстар дәлелді болуы, шығармашылық тұсы, түпнұсқа болуы, автор ойының көрініс табуы, ойдың жүйелі жеткізілуі сынды талапқа сай тексерілді.

Эссе сайысында 1-орынды Абай атындағы ШҚ гуманитарлық колледжінің студенті Алуа Дәулетқанова алса, «Философиялық эссе» номинациясын Д.Серікбаев атындағы ШҚТУ жоғары IT колледжінің студенті Ольга Коломыцева, «Тақырып жақсы ашылған эссе» номинациясын  гуманитарлық колледжінің студенті Азиза Мұхамжарова мен Ангелина Самородова алды.

Ал бейнеролик жарысында 1-орынды Өскемен жоғары политехникалық колледжінен Алқар Тілейхан, сурет сайысында ҚАЕУ Жоғары колледжінен Ажар Ақылбекқызы алды.