Бүгін Зайсан ауданының әкімі Аэлита Ахметсәлімқызы ауылдық округ әкімдеріне сегіз қайық сыйға тартты. Әр қайықтың ішінде 10 пар резеңке етіктері де бар.

Бұл ерекше тарту-таралғы жасауға алматылық компания демеушілік көрсеткен, деп хабарлайды Altainews.kz тілшісі.

Аудан басшысының айтуынша, бұл қайықтар мен резеңке етіктер көктемгі су тасқыны кезінде төтенше жағдайлардың алдын алуға таптырмайтын өте қажет құралдар екенін атап өтті. 

Сонымен қатар Аэлита Ахметсәлімқызы қарғын судың алдын алуда қолданатын құрал-жабдықтарды ауданға әкелуге көмектескен аудандық мәслихаттың төрағасы Еркебұлан Зағыпаров пен Біржан ауылдық округінің әкімі Дидар Ошақбаевқа ризашылығын білдірді.